Грузинские танцы Ачарули - грузинские танцы песни

წყალს ნაფოტი ჩამოჰქონდა
ალვის წყლის ჩამონათალი;
წყალო დადექ და მიამბე
საყვარლის შემონათვალი!

გოგოვ, გოგოვ, კისკისა,
აქ ჩამოდი, წყლის პირსა,
წყალი მასვი კოკითა,
გამაძღევი კოცნითა.

წუხელი სიზმარში გნახე,
წარბი მაგლა აგეყარა,
ფანჯარაზე გადმომდგარიყავ,
ნაწნავი გადმოგეყარა.

გაღმა ქათამი გავდევნე,
გამოღმა გამოკაკანებს,
ლამაზ გოგოს, რომ დევნახავ,
ზღვასავით გამაკანკალებს.

სათამაშო ვაშლი მქონდა,
შენსკენ გადმომივარდაო,
მე თუ გძულვარ, სხვაი გიყვარს,
ფესვიც ამოგივარდაო.